阿杏飯團 (東海商業中心)

营业中

休息中

一嚿飯團，唔實都係樣功夫菜。冇華麗包裝，亦唔需要咩貴價食材，手作飯團賣嘅係温度與飽足。#阿杏飯團 主打台式飯團，有 #啖啖肉、#鹹蛋黃、#麻辣、#芝士、#海鮮等好多系列選擇。店舖位於 #尖沙咀 加連威老道內街位置，人流唔多，當日清晨嚟到，見店面細細，但裝潢用心，價錢亦相當合理，around 30至40蚊不等，同時亦有好多台式飲品可揀。／🐟名古屋鰻魚飯團（走醬）太多選擇反而令有選擇困難症嘅我有啲頭痕，掙扎咗5分鐘，最終選擇係鰻魚！店員好貼心咁平分成兩份，啱晒習慣打卡嘅我。拎上手飯團仲係暖笠笠，分開就見薄薄一層紫米飯包裹住滿滿內餡！走醬但無損風味，因為配料實在太豐盛 － 青瓜絲、肉鬆、炸脆脆等，仲有主角名古屋鰻魚，雖然只有兩片，但都好夠，同其他配料夾埋一齊食，幸褔感莫名。而／紫薯玫瑰饅露對 #養生 一認有情意結，當中呢款紫薯玫瑰饅露最吸我眼球，反而比飯團無慮即決！選擇咗無糖版本，店員話叫做「露」係因為用紫蕒打成，所以口感夠rich，似飲糖水，果然亦冇令我失望，不過略嫌紫薯味唔夠濃，而且喺食咗一整個飯團後飲都幾飽上加飽。