朋友帶我到哩間新店光顧，
只知道係藝人開嘅店，
但無諗到入到店內真係見到高先生事事親力親為，而且好Nice!
店面裝修為傳統日式設計
餐牌簡約
1
蘋果汁 
唔好比隻杯呃左，其實係蘋果汁~
味道好濃郁，一睇就知唔係果汁先生啦！
帶清甜蘋果味，唔係太酸~入口smooth~
燒秋葵+燒粟米
燒秋葵好香好，入口嘅鹽味豐富左秋葵嘅味道，而且秋葵滑滑嘅口感層次豐富。
燒粟米
味道唔夠~
燒香蕉
巧打意嘅一道，從未試過，但味道又幾好喎，不過我諗都唔易燒，因為香蕉太熟會爛晒~
燒虎蝦
我無食所以不評價~
燒雪場蟹腳
好惹味，而且師傅好細心地已經將殼開好了~
方便享用!
燒蟶子
超級正，好新鮮好多肉，而且肉質嫩，爽口鮮甜，加埋少少帶酸味嘅汁醬，比傳統港式豉油味要特別!
燒帶子
無食所以不評價
磯燒鮑魚
最欣賞個汁醬，甜甜地好好味，而且薄切左食起上黎更爽口彈牙!
其實我地仲有食到
M9和牛 嫁，只係一黎到未影得切相就比人分晒~
脂肪平均，入口油份甘香，冧得黎又有咬口!
