Cosmos Restaurant & Bar (已結業)

早排喺Openrice見到呢間以扒房、海鮮、酒吧為定位的餐廳有個必吃推介為田螺酥皮盒，好吸引，而呢日喺尖咀做嘢，就約咗朋友來飲下嘢，順便吃埋個酥皮盒，誰不知没有了呢樣嘢吃，取而代之嘅係『芝士忌廉汁焗田螺』，咁都嗌來試吓，好靚嘅一個紅色圓盤，有6個窿，咁就啱啱好擺得落半打田螺及芝士，新鮮熱辣咁上，田螺好soft，芝士做到拉絲效果，邪惡得來又好味。而海鮮拼盤就有龍蝦，帶子，青口，煎三文魚，魷魚，三文魚魚皮煎特够脆够香，而且仲有個調味汁跟自己喜好而決定加與否。仲有宜家來酒吧唔一定要飲酒嘅，唔飲Cocktail都可以飲Mocktail嘅，我哋各自點咗菠蘿汁薑啤同埋以店名命名嘅Cosmos night，由菠蘿汁，熱情果汁同我鐘意的藍蝶花組成，有3種不同顏色溝埋，好正。