101手工涮涮鍋 (金朝陽中心二期 - Midtown)

营业中

休息中

前排喺銅鑼灣行街，見到呢間好有特色食台灣火鍋嘅餐廳，手工涮涮鍋套餐平日每位$398，假日每位加$30，一於就試試佢一入門口已經好有feel，佢有個bar位就係門口，令人置身係酒吧咁我同朋友坐左係中間位置，睇唔到海景有d可惜不過馬上已經比眼前嘅小菜吸引住了，分別有手撕雞，麻辣木耳等！小菜好好食，好少餐廳會連小菜都有心機地去整而調味料就以九宮格方式擺放，搶眼奪目。湯底我就揀左香辣三杯卜卜蜆涮涮鍋，湯料好豐富，有豬紅、豆卜、香菇等，食曬呢d都有d飽另外肉類就揀左手切安格斯prime grade 牛頸脊肥牛片，果然無令人失望，雪花分佈得好平均，食落好多汁，可以一口融化的感覺。手工火鍋拼盤中有八款食物，包括墨魚汁鳥結糖、太極冬菇、安格斯霜降牛丸、三重芝士蝦丸、黑松露蟹子海鮮軍艦、黑松露蟹肉餃、黑松露芝士豚肉餃和三重芝士墨魚丸，味道都令人相當滿意。雖然價錢喺眾多火鍋之中稍貴，但勝在飲品加紅白酒任飲，而且除咗特選食物之外其他食物都可以任叫，重點食物有質素保證，值回票價。