澳瑪葡國菜 (已結業)

尼哥斯沙律，材料有煎吞拿魚、青瓜、車厘茄、法蘭青豆、烤薯仔及流心蛋。吞拿魚輕輕煎過，但唔夠香，而且味道太咸，魚味都突出，肉質結實。配新鮮爽脆沙律菜，油醋汁微酸油潤都幾開胃，幸好有流心蛋，拌勻後融合食材的味道，亦令沙律更濕潤多汁。慢煮和牛肋肉寬條麵，和牛雖是牛肋位，但非常嫩腍，入口即溶既感覺，有如牛腩般美味，牛味濃重帶香，配厚身有嚼勁的寬條麵，感覺似台式牛肉麵，醬汁也是有牛肉味的，最面的兩片脆焗芝士，好濃味好脆，口感新奇特別。炭燒黑安格斯西冷（10安士），鐵板上菜保持熱度，點了五成，但熟左少少，去到七成。牛扒多汁但硬左少少，亦較難切開，味道都濃郁，不過較多肥肉同筋位多，但整體味道可以的。