The Mafe Cafe (已結業)

有朋友介紹你呢間Cafe坐低食嘢飲野加吹水，上到嚟其實餐廳都幾多人，所以我諗啲嘢食都應該有返咁上下水準。👍🏻👍🏻👍🏻👍🏻呢個就係佢哋今日嘅晚餐Menu，我地就叫左忌廉煙三文魚配天使麵，蒜香雞翼，同埋炸芝士條，因為我哋兩個唔係話太肚餓，所以就叫咗少少嘢食坐低食下傾吓計。佢哋嘅嘢飲種類繁多，基本上可以話要乜有乜，而且有一啲特色飲品可以俾你選擇，呢啲特色飲品係佢哋餐廳自己調製出嚟嘅，所以有啲顏色會好靚，味道亦都唔差。😍佢哋除咗晚餐個Menu之外，亦都有少少甜品呀小食之類提供俾你選擇，不過食物嘅種類就真係比較少。飲品叫咗呢個茉莉花茶，同一般Cafe一樣都係有一壺茶，下面有個蠟燭等啲茶唔好太快冬👍🏻👍🏻👍🏻忌廉煙三文魚天使麵，個意粉味道都整得幾出色，不過略嫌份量比較少。蒜香雞翼，炸得幾惹味，幾香口，外脆裏面嫩滑，亦都唔會乾身，裏面好juicy啖啖肉。炸芝士條，呢個比較失色，因為裏便芝士唔夠拉絲，芝士比較硬身，可能唔夠熱，不過整體都算唔錯。