紅粉佳人 (已結業)

其實我只係一個好普通食客, 自問對日常飯餐要求唔會高, 不過我都對呢間餐廳有好印象。過去一年光顧都有不下十次食晚飯, 除了係對我"就"腳之外, 食物水準都可以保持。由牛扒、日式鐵窩飯、set dinner 同意粉都有試過。雖然唔可以話係頂級出品非吃不可, 但基本上我都會滿意。如果有朋友問去大酒店食buffet 定係去呢間餐廳食晚飯, 我一定選後者。menu 方面選擇係比一般餐廳少, 但也ok, 當然大家唔好期望會係menu 中出現西班牙炒飯, 雞扒意粉呢類選擇。下午比較人多, 特別係星期六。夜晚比較好, 但繁忙時間都係比較嘈雜。晚上9點後環境就會靜好多。亦係我最佳選擇。