火鳳凰火鍋料理 (已結業)

今日中午有時間同朋友嚟到何文田太平道剛剛新開無耐嘅火鳳凰火鍋料理飲啖茶食點心🥰🥰🥰，雖然話係何文田，但係位置其實就係旺角黑布街相隔一條火車軌，地點相當方便。👍🏻👍🏻👍🏻👍🏻👍🏻餐廳午市係做點心晚市做火鍋，店舖新裝修地方闊落，大廳設有多張卡位同長枱，仲有兩間vip房可以卡拉ok🎤🎤🎤，一大班朋友飲茶，打邊爐飲酒都可以一路食一路卡拉ok夠曬開心。😍😍😍😍😍點心首先點咗我最愛嘅山竹牛肉，牛肉新鮮大大粒，食到有好多香料味除咗芫茜馬蹄之外，仲有香茅味道夠曬豐富。😋😋😋😋😋蝦餃皮薄餡靚，蝦大大粒有兩隻夠新鮮，皮煙煙韌韌夠滑身唔會粉。😋😋😋😋鵪鶉蛋燒賣，燒賣都有原隻嘅蝦係入面，唔係好似出面淨係得啲蝦膠又係大大粒，面頭仲有蟹子㖭。😋😋😋😋😋排骨， 肥瘦適中大部分都有骨，食落去有蒜香同豆豉嘅香味，仲有加埋我最愛嘅芋頭墊底，索曬啲肉汁好味道。😋😋😋😋😋麻辣鴨舌，用咗好多唔同藥材同香料味嘅滷水鹵煮，好滑夠麻夠辣正。😋😋😋😋😋店員友善盡責，見我地食完嘢都過嚟問下意見，証明老闆同管理層都好着重餐廳新開後需要吸收意見，睇下有冇改善地方，比起集團更見親切有人情味。🙏🏻💪🏻