蘭桂坊車仔麵 (已結業)

同朋友去蘭桂坊happy hour，飲完酒又唔係好想食好多野見到呢間車仔麵就入左去。以車仔麵店黎講裝修好靚，幾有特色。一坐低又有d肚餓，所以叫左個好多餸既招牌車仔麵再加個海膽丸，幾個朋友再叫小食些牙，特色豬頸肉，椒鹽燒賣同雞軟骨。個招牌車仔麵份量都幾多，蘿白好甜，牛腩好腍同埋牛丸都好食，個沙嗲汁好濃好惹味。個椒鹽燒賣幾意想不到咁好食，推薦，燒賣皮炸到脆一脆再加上d椒鹽味，燒賣入面又腍一腍咁，食唔停口。