富山居 (裝修中)

今日同老公出咗去大埔諗住食埋早餐先再一起番工，咁我哋就打算試試附近美食廣場嘅富山居，入到呢間餐廳，見到環境都尚算舒適同埋都坐得舒服，裝修好有日本風味🇯🇵🎌早餐餐牌都有好多選擇，我就叫咗餐廳嘅招牌菜，$36 照燒十勝豬扒脆脆豬🐽🐽，呢個招牌菜係用咗日式生果蔬菜醃料烹調，豬扒特別厚切同埋嫩滑juicy😋咁老公就叫咗個 $36 吉列魚柳加香滑炒蛋再加輕量級蕃茄肉碎通粉🐟🥚🍅，早餐嘅份量好豐富，🍳炒蛋特別香滑同埋濃郁，🐟魚柳都好外脆內軟，🍅蕃茄肉碎通粉好濃郁蕃茄味，好惹味。呢間價錢好平又好食，CP值高🤤👍