德豐打冷粉麵餐廳

营业中

休息中

每次黎深水埗附近都會想食呢間茶餐廳既炸豬扒公仔麵，今次都五例外～講起茶餐廳，其實係由舊時冰室演變出黎,最初冰室只提供廉價既仿西式食物，例如 奶茶，紅豆冰，奶油多士，菠蘿包，蛋撻等，後黎為配合香港人急促既生活節奏，開始增加食物種類，加入 西餐同餐館既模式，演變成茶餐廳。茶餐廳環境設計得好有懷舊 feel , 地下既花磚，一間間既卡位座，牆身既設計都充滿香港街道特色—抬頭滿街都系招牌，系香港街道一幅燦爛既光景。餐牌有佢自己餐廳特色，茶餐廳食到既呢度都有！我叫左個炸豬排公仔麵，佢既汁唔太濃,，個麵唔會好油,但又唔乾,岩岩好，而且勝在豬扒好味，食落好香脆，味道剛好，好惹味，豬排份量足，上黎時已經切好曬，五洗自己動手切，一啖豬排一啖撈麵～咸菜鬥鱔魚味道都唔差,唔會好似其他茶餐廳咁落好多汁或者味精去做,佢既味道好清,但又唔會好淡味,味道岩岩好,好好食～價錢唔貴,下次會再黎！