備長

营业中

休息中

今日去銅鑼灣見客，做完公事已近黃昏，又熱又攰，要搵個地方休息一下，食返餐好既慰勞一下自己。剛好行到澳門逸園中心，想起備長，之前和朋友去食，味道不錯，今天就去回味一下！備長有不同酒精飲料，上次同朋友飲至盡興而歸，可惜今天只有我一人，不便飲酒！入座後奉上前菜和調味料。首先來個炸蝦天婦羅，即叫即製，熱騰騰的炸蝦，外層酥脆，蝦肉爽口彈牙，備長串燒好有名：我特別喜歡鹽燒雞翼，師傅將雞翼慢火燒至金黃色，皮香肉嫩滑，加入少許鹽巴提升味道，好惹味。海膽海鮮炒飯，飯面上橙黃色的海膽好新鮮，鮮甜冇腥味，飯炒得香，粒粒分明，加有海鮮切粒炒，有鮮味又有口感。食完埋單重有雪米糍送！