个園竹語

营业中

休息中

位於尖沙咀海港城港威的个園竹語🎋主打食上海淮揚菜，走中高檔路線，餐廳環境十分別致，有竹園庭院風設計，有種清幽的感覺，座位闊落，私隱度好高，相當適合與親朋好友聚會。午餐時間，我哋叫咗前菜四喜烤麩，份量都幾足，好鍾意佢好索汁勁入味😍上海點心要咗招牌鐵板上的小籠包，小籠包放係熱辣辣嘅鐵板上面，令小籠包個底變得焦脆，咬開都仲充滿肉汁，好Juicy! 湯品我每次都會叫酸辣湯，呢到既酸辣湯仲有海鮮，好豐富，酸酸辣辣的感覺令人食慾大開😋 我們仲要咗葱油鮑魚片拌麵和瑤柱賽螃蟹。葱油鮑魚片拌麵都好有水準，與拌麵汁已經撈好，每條麵條都沾有醬汁，帶有蔥油香味。而瑤柱賽螃蟹都好出色，蛋白炒得滑嫩，用嚟撈飯一流！🔸葱油鮑魚片拌麵 🔸瑤柱賽螃蟹🔸海鮮酸辣湯🔸鐵板上的小籠包🔸四喜烤麩