穴壽司 (形點 I)

营业中

休息中

最近先知元朗開咗穴，遊是特登同女朋友去試下。入到去叫咗個刺身拼盤，刺身有油甘魚，三文魚，呑拿魚，帶子，魷魚，蝦同另一款未食過既魚。一向係香港都好少食呑拿魚，因為大部分都好大浸雪味，或者霉霉地。 但呢度既呑拿魚食得出係新鮮，咬落去唔會散，係唔錯既。 其他刺身都好新鮮，最有驚喜係個魷魚，入面夾住海膽，食落好特別，魷魚好新鮮好creamy。除咗刺身我哋仲叫咗兩個飯，分別係蟹蓋飯同牛柳粒飯，牛柳粒非常香口而且煮得好淰，蟹膏送飯一流加埋蟹肉蟹籽同海膽真係好正！兩個飯份量都好夠，下次有機會再試下佢d卷物！雖然價錢唔平，但食物質素係值得嘅！