漫花燈火OMG (已結業)

同男朋友去咗土瓜灣瑧尚U PLACE的《漫花燈火OMG》食嘢打卡，餐廳非常多色彩，感覺好繽紛，食嘢都開心啲呀！而且佢哋嘅食物好有水準絕，對可以再嚟食！羽衣甘藍金奇異果藍莓橙百香果啫喱沙律配蜜糖柚子醋色彩繽紛嘅沙律🥗好鍾意佢有超多新鮮嘅生果，仲用左金奇異果🥝，非常有營養，另外仲有藍莓橙同埋百香果啫喱，沙律配咗蜜糖柚子醋，酸酸地之外仲食到柚子嘅清新味！法式大頭蝦占米多呢份大頭蝦占米多非常吸引，全隻大頭蝦起晒肉，再用廚師特製嘅醬汁，creamy又鮮甜，配埋占米多一齊食好好食😋，仲有啲新鮮沙律菜喺度！紫醉金迷藍莓汁加藍蝶花嘅紙醉金迷，成杯野真係非常醉人，酸酸地好開胃！