吉吉串燒 (已搬遷) 新店位置

今晚要同班靚女食飯，個個都想食不同的東西。有朋友在附近工作，所以找到這間小店，見食評唔錯，一於試下先~要等朋友，先食了腸粉，都幾滑，唔錯!醬料味道幾好味~唔會勁鹹~朋友到了，決定要試食幾樣好評食物。串燒雞翼，皮脆，咬開有肉汁，正!本人之推介!串燒食了豬頸肉(朋友說勁好食)，雞皮(我覺得勁好食，因為燒得好脆)，豬腩肉，雞腎，腸，豆卜(心機之作)等等，好味~見到老闆推介咖哩飯，好，就決定食咖哩吉列豬扒飯。即炸豬扒加上日式咖哩，的確是不錯的配搭。天寒地凍的確是打邊爐的好時間，試了新推出的日式火鍋。牛脊肉幾好食，好有牛味~見到火鍋配料幾靚幾精緻，老闆應該有選擇過，見不到爛菜頭菜尾，有心機之作!除了牛肉，還有雞肉選擇。我估如果同老闆熟d，應該可以試到老闆私藏的食物，哈哈。最後加了個手打烏冬結尾。老闆說用打邊爐的湯加個飯煮粥都好好食呀!不過太飽，下次先!對於女仔，幾飽都要食甜品，飲埋佢個白果腐竹雞蛋糖水，真的完美結束一餐。