小曼谷海鮮燒烤屋

营业中

休息中

每隔一排都會去小曼谷，今次仲要有屯馬線乘坐，一出站行一個街口就到，超方便!好彩姨仔早咗到，我地去到已經滿座唔係又要等位!呢度嘅沙嗲串燒永遠唔會令人失望，豬肉、牛肉、雞肉、雞腎同牛舌就例牌要叫，“頂級牛柳粒”濃濃嘅味，又唔會乾身，不錯!點咗海鮮孖寶，“牛油蒜蓉燒大蟶子”，燒得剛剛好唔會過火變韌，“脆皮白鱔”真係好好味，呢隻孖寶值得推介，而且仲有幾款揀!“風味燒豬頸肉”，太座最鍾意嘅一味，每次嚟到都叫，可想而知唔會差啦!“泰式乾炒豬肉片河”，特登叫俾個仔食，佢都食咗幾碗!“泰式馬拉盞炒椰菜苗”，呢個輪到係我每次嚟都必點嘅菜式，出面食唔到咁好味!食咁多燒烤同泰菜，點可以唔叫返杯嘢飲爽吓，“椰皇沙冰”、“西瓜沙冰”，絕對係解渴首選，後者我encore多杯!今次我地最欣賞嘅係“原隻芒果糯米飯”，熱烘烘嘅糯米飯配上甜甜嘅芒果，食到咁飽先食仍然可以讚不絕口，最後照鏡就不在話下啦!寫寫吓都好掛念添，哈哈!