為食龍 (已結業)

近排係OpenRice碌到呢間以特色兼大大件既腐皮壽司做主打嘅小店，就相約朋友放工之後一齊去試下。地址寫係百樂中心，以為間餐廳真係係果幢大廈入面，點知原來係百樂中心前幾個鋪位，想去嘅朋友記得要留意下。呢間餐廳專做立食同外賣，最啱喺附近返工嘅打工仔。雖然係小店，但係都睇得出佢裝修好擺心機，近住門口就已經有一大幅🦖畫做生招牌。兩張長枱都擺滿左盆栽同埋同🦕嘅擺設，成個氛圍簡直令你覺得好似置身係花園入邊用餐一樣。我地order咗四件腐皮壽司，分別係甜蝦蟹籽，三文魚牛油果，柚子左口魚同黑松露帶子。我就比較鍾意三文魚牛油果同埋甜蝦蟹籽，因為呢兩件比較重口味，就算有腐皮，三文魚同甜蝦嘅鮮味都唔會被蓋過。相反帶子雖然新鮮但係口味就比較淡。建議可以改用另一款既帶子。另外都order左一個$46既溫泉蛋西京燒鯖魚便當，相當有水準，份量亦多，一定夠飽。支持小店！希望越做越好！