緣味小聚 (93WYS) (已改名) 查看

今日出咗去做嘢，非常快手就做完，因為約咗朋友夜晚食飯！之前就已經見到社交平台都有好多人介紹呢一間緣味小聚🤤一直都好想試吓，所以好快手就做晒啲嘢去食飯啦！講到明係任食五個鐘真係太誇張喇，所以任食得來我哋都可以慢慢食到唔使咁心急🤣先嚟咗一個海鮮盛盤！呢個海鮮非常豐盛！有好多唔同種類嘅海鮮。而且呢個賣相亦都十分吸引！我自己好鍾意韓國大鮑魚！呢隻大鮑魚真係好好食，爽滑彈牙，而且鮮甜味十足！另外就係蘇格蘭蟶子，呢一個聖子我自己都叫咗幾隻食🤣🤣大大隻，而且入面一啲沙都冇，就算用蒸鍋整完之後亦都冇乜縮水！好高質嘅聖子！