No.9 Bistro (已結業)

今日老公難得早收工，我哋決定去觀塘搵食，睇下有乜嘢西餐廳未去過嘅去試下先， 想openrice見到呢間number9 Bistro， 環境幾好 ，而且有位， 一於試下。starter叫咗個沙律 ，啲菜都幾新鮮 ， 唔錯。main course叫咗個墨汁海鮮risotto， 有驚喜 ，墨汁香濃， 海鮮有鮮味，飯唔會煮得過淋， 意大利飯應該有少少硬身， 有咬口， 呢間餐廳做到，讚!另外叫咗個 西冷牛扒配鵝肝 ，西冷牛扒嘅牛味幾香， 我哋order咗五成熟， 佢冇煮過龍，抵讚 ! 鵝肝就一般般啦 ，如果可以再煎香啲會仲正。最後個甜品要咗 焦糖燉蛋 ，唔錯 ，都幾滑，而且唔會太甜。