安安燒 (鯉景大廈) (已結業)

有人約夜晚七點半來呢度食野， 個位有少少僻，行左一陣先搵到。呢度有分室外由自己燒烤同店裏坐低等人燒， 見其他顧客坐係室外自己燒好似好得意， 但都係唔好預我地啦，我哋都係慢慢等食好過，嘻嘻。唔記得影低餐單添， 不過印象中有好多嘢食。招牌菜係芝士撈丁，我哋最終揀咗黑松路芝士撈丁黎試。撈丁睇落唔係好大碗， 但係都覺我哋三個女仔食， 每人分少少好快食晒， 因為真係好香芝士味呀如果唔係飽得滯嘅話會encore除咗撈丁之外，我哋當然揀左好多串燒嚟食啦！有芝士獅子狗，麻吉年糕燒，一口甜薯。呢個燒芝士黐飯真係好特別好有創意，自己亦係第一次食，冇諗過黐飯都可以攞嚟燒。內裡係普通嘅粢飯，但係出面個層脆卜卜同埋有芝士香味，好新奇， 未食過嘅朋友可以一試。叫咗個蒜蓉扇貝，蒜蓉分量十足好香，扇貝一啲都唔老，好滑。呢個芝士燒生蠔我就冇食到啦， 不過見上枱無耐就好快俾人清晒，應該好好食掛😂😂朱古力糖脆玉子燒，聽個名好得意，嗰一層脆糖真係好正！薄薄地又夠脆， 意外地同玉子燒好夾！仲有以下嘅都好值得推介！係脆糖燒菠蘿！菠蘿係新鮮的菠蘿唔係罐頭嘅，本身菠蘿嘅甜味加上脆糖真係一絕！忍唔住食多咗幾舊！