M3 Italian (已結業)

係咁多種唔同嘅菜式之中，我自己真係好鍾意食西餐！特別鍾意嘅係因為西餐嘅氣氛環境非常好，而且好浪漫嘅感覺！今日去咗大圍嘅呢一間m3 Italian 👍🏻👍🏻一去到就已經比呢度濃厚嘅聖誕裝飾吸引咗，真係非常浪漫同埋有聖誕節嘅感覺！叫咗一份黑松露野菌芝士薄餅！呢個黑松露野菌嘅味道好香，一上枱嘅時候就已經聞到充滿黑松露嘅香味！而且加埋呢個薄餅本身係非常薄！同埋好脆嘅口感，所以食落去嘅時候一啲都唔會覺得好肥好漏嘅感覺！反而會有一種清新嘅香味！另外就係呢個烤焗西班牙伊比利亞T骨豬扒！呢個豬扒好好味，兩塊大大嘅豬扒，而且再加埋非常厚切！咬落去嘅時候啖啖肉好過癮！而且仲要好林好多汁！所以成日都話一塊靚嘅豬扒絕對可以媲美靚嘅牛扒！