吃吧 (僑建大廈) (已結業)

呢間喺旺角嘅餐廳有好多精緻有特別嘅嘢食，有時夜晚仲會有live band，好有氣氛。今次點咗好多嘢食，首先係軟殼蟹肉醬千層麵，每一層千層麵都夾雜住滿滿嘅芝士，非常香濃。另外仲點咗原汁炸頂乳鴿，炸到層皮好香，好惹味。香草白酒芝士藍青口配法包同埋西班牙火腿蜜瓜都唔錯。飲品方面，呢杯曲奇朱古力奶昔用咗望落好似椰子殼嘅碗嚟裝，Creamy嘅奶昔上面鋪左爆谷同埋cream，好似甜品咁精緻。依家餐廳新增左cocktail 可以選擇，我都點左杯Hazel Don Bao試下。