三和敘

营业中

休息中

九龍城舊區鐘零零舍舍有一間裝修得甚有格調的日本餐廳，令人忍唔住去一探究竟。原來餐廳分三層，分別提供三種不同的日式美食：鐵板燒、壽司、同爐端燒。我同朋友就揀咗品嚐爐端燒，可以見到師傅喺我哋面前專業地製作食物。座位同餐具都甚有特色。支叉好特別，係專門食串燒用的。我個Late Lunch Set非常抵食，而朋友的Happy Hour Set就以串燒為主，適合把酒言歡。打頭陣的是五款刺身盛合，全部都好新鮮，肥美鮮味。作為主菜的和牛鐵板薄燒亦好高質，賣相好靚。薄薄的和牛捲起來，裏面包上蔥花等等的配料，香口得來正好中和一下油膩感。黑毛豬扒蛋飯，滑蛋靚，炸豬扒易美味。最後仲有甜品添！朋友仔的套餐當中，包括左五款串燒，賣相同味道都唔錯。最緊要係配紅白酒、清酒、啤酒呀！唔小心發掘到有誠意的高級日本餐廳，有機會要試埋上面嗰兩層的美食。