有機廚房 (已結業)

呢排放假食得太多唔健康既野，約左去九龍城，但又黎緊去泰國旅行唔想又食泰國野，於是揀左呢間出名有機食材既西餐廳。餐廳環境好有格調，綠色為主，有綠色植物同花花，配合返有機主題，加埋好多燈，倍添浪漫氣氛，岩晒同honey黎撐枱腳。餐牌選擇非常多，dinner set好抵，配埋餐湯、沙律有自助bar任refill，仲有埋野飲。我地2個人叫左4樣野食，2杯野飲。1. 西班牙黑毛豬伴燒菠蘿黑毛豬好嫩滑同juicy，有少少黑椒調味，唔駛點汁已經好好食，另外個燒菠蘿燒到岩岩好，燒過嘅菠蘿比就咁食會更加甜，同埋好多汁，伴碟嘅薯格趁熱食都好香脆。2. 扒大蘑菇牛油果沙律 沙律有唔同嘅沙律菜，仲有大啡菇同牛油果，用沙律醋撈，十分清新，大啡菇係原隻切開四舊，份量十足，牛油果嘅份量亦夠多，整體黎講都十分唔錯。3. 雜菌炒蔬菜入面有西蘭花，椰菜花，翠肉瓜，椰菜，蕃茄仔同唔同嘅雜菌，份量十分大，平時出街食飯叫嘅炒菜冇咁大碟，味道十分出色。4.脆果仁焗挪威三文魚配有機燒蕃薯三文魚好嫩滑，煮得啱啱好，皮上面嘅果仁同三文魚一齊食，口感好特別，朋友話塊三文魚皮有少少咸，但對我黎講就啱啱好，伴碟個蕃薯好甜，果然係有機。5.