鼎王麻辣鍋 (金巴利道) (已結業)

聽過鼎王呢個名好耐，終於有得去試啦一入門口已經受到皇帝式招待職員好有禮貌餐廳好乾淨企理，裝修仲好靚添坐得好闊落，唔會聽到隔離講野全程都係用iPad落單好簡單清晰方便，而且職員都會喺隔離用心同你解答問題特別想多謝一位叫thomas既職員全程都好盡責，而且好有禮貌幫我地無論係添茶，加湯，加料，甚至會介紹點樣去淥食物，笑容滿面，十分盡責湯底挑選左酸菜鍋同埋麻辣鍋酸菜鍋好好味麻辣鍋簡直係必試佢又唔會死辣而係有好多唔同嘅香料慢慢出d味仲要有無限嘅鴨血添加基本上一食到咁上下就會有職員幫你添好好味呀 又滑又入味老油條聽講係好出色一於就試吓先，我覺得好味過響鈴吸啲麻辣鍋嘅味牛肉就更加唔使講咁多基本上你問一問職員，食完就會落力為你介紹邊一款適合你滷水拼盤係一定要叫職員會教你放落去煮一陣整熱返就可以食本身已經煮得好入味最後擺上麻辣鍋嗰度吸一吸啲汁好 好 味 呀！外面有輕微嘅香辣，入邊係本身滷水汁多層次既味道。