Owl’s Stage (已結業)

同事生日，我請佢去太子一間貓頭鷹主題餐廳慶生，餐廳叫Owl's Stage，環境幽雅，燈光柔和。燒加拿大厚切保濕豬架9oz配蜜糖芥末醬，豬架夠厚又大件，兩邊煎至金黃色，內裡粉嫩的豬肉充滿肉汁，肉味濃，油脂香。配蜜糖芥末醬好惹味，又或者只點些海鹽，原汁原味一樣好味。選配鐵板薯條好香脆。田園沙律爽脆口感。香草燒原隻春雞配特製燒汁配有香草牛油焗薯角和意式燴雜菜：燒春雞外層用上香草調味，味道分佈均勻，肉嫩皮香，配特製燒汁真係好惹味！雞肚內有紅蘿蔔西芹等蔬菜，蔬菜吸盡雞肉的精華，份外美味。薯角烘焗後香脆可口，加上香草牛油的獨特香味，把味道偏淡的薯仔，烘焗得份外美味。意式燴雜菜味道清新開胃。加配蒜香牛油汁意粉，意粉濃郁嘅蒜蓉牛油味就可以令本身平平無奇嘅意粉昇華到又香又美味。凍檸茶喝起來酸酸甜甜，最為解膩。