WM Café & Bar (海之戀商場)

营业中

休息中

今日係荃灣西既海之戀商場行完街，見到呢間餐廳環境唔錯就入左去試下。環境唔錯，餐廳既裝修都幾grand，空間感都算大。芝士香煎珍寶帶子卡邦尼扁意粉，忌廉味幾香，口味偏淡唔膩。帶子稍稍煎過，帶出香味。香芒烤雞胸肉薄餅，上面有芝士、雞胸肉同芒果肉。香芒味唔重，雞胸肉唔太老，薄餅厚度偏薄，食完都唔會好頂胃。士多啤梨雪芭，口味偏酸，入面有粒士多啤梨果乾。芒果百香果青檸特飲，酸中帶甜，百香果味偏重，特飲還算解渴。