三喜家 (已結業)

其實果汁店開左之後都飲過好多次，今晚又出尖沙咀行街，於是又去買一杯飲下！還記得第一次黎買既時候，覺得佢飲品啲名好特別，叫果陣都覺得幾搞笑！之前飲過金娥東、鈕扣、她與他的香水味、一種接近失戀的滋味：櫻花淚。而今次因為食飯前飲，唔想飲咁飽，於是又叫返鈕扣黎飲下！

鈕扣

$36

鈕扣由覆盆子、香蕉、菠蘿、橙、少評蜂蜜而組成，飲落有少少氣，酸酸甜甜好開胃，但又會飲到香蕉味，而且因為有覆盆子，所以好有咬口！而且飲品顏色都好靚，影相打卡一流！
不過飲左咁多次都未飲到佢既招牌芭比情歸何處，所以一定會繼續去呢間由台灣黎既果汁界Starbucks買野飲的！

再附上之前飲過既俾大家望下果樣！

一種接近失戀的滋味：櫻花淚

1

金娥東

金娥東係我第二最愛既飲品，不過呢杯飲完會有少少飽，因為佢有奇亞籽！而且賣相非常靚，影相呃like一流！