魔膳廚房 (已結業)

萬聖節六合彩有金多寶，所以去了觀塘廣場的投注站下注，搏一搏，期望中獎，之後一世無憂。買完六合彩，就去了對面街的樓上餐廳魔膳廚房食dinner。呢度地方好大，樓底高，裝修都唔錯，坐得好舒服，而且有大screen，如果來搞 Party / Function，應該係一個好選擇。我哋每人揀咗一個套餐，【香煎三文魚柳配藜麥沙律 $178】和【德國烤原隻豬手配薯角跟黑椒汁 $186】，邊食邊吹水，大螢幕仲播放緊卡通電影。【雜菜湯】紅湯即是雜菜湯，料足味道唔錯。【忌廉湯】另一款餐湯係忌廉湯，好濃郁好creamy。附送的餐包熱辣辣，好香軟。【德國烤原隻豬手配薯角跟黑椒汁】隻豬手好大喔! 睇見都開心! 我哋一齊share。咪睇佢好似好硬身，原來一刀切落去係非常之易，層皮係好腍而且帶點煙韌，唔似得有啲餐廳整到啲豬皮太過硬太過脆，差點會咬崩牙。食落一啲都唔覺得肥膩，鹹鹹香香的，非常滋味。不得不提的係有酸青瓜做伴菜，係我至愛。【香煎三文魚柳配藜麥沙律】賣相好吸引。三文魚煎焗得甘香，下面墊些芒果粒，令食落唔會覺得肥膩感。三紋魚肉質嫩，無骨，啖啖肉，啱晒我呢啲懶人。藜麥沙律大份又健康，絕對可以平衡多肉的主菜。加了