六十年華

营业中

休息中

燒味之作(三款)燒腩仔油雞熏蹄~一次過食咗三款燒味燒腩仔、油雞及熏蹄，各有特色，燒腩仔皮夠脆，肥瘦啱啱好，一件食住一件；油雞味道啱啱好，肉質嫩滑；好耐冇食燻蹄，入口爽滑啖啖肉，記得沾啲白醋汁。食食下見到燒味送餐機械人，衛生可靠，送到枱旁店員會為你上菜，這樣，店員就唔需要周圍行嚟行去傳菜，有更多時間照顧身邊食客嘅需要。西蘭花炒鮮魷配白飯例湯~西蘭花炒得香脆，鮮魷熟嘅程度恰到好處。自家製酸菜魚片鍋~特別餐牌特別推介，天氣涼咗好想食， 件件魚柳啖啖肉，無骨最正。羅漢齋伊麵~伤量好足，材料豐富，一碗接著一碗。晚飯滿$160送蒜蓉炒時蔬~雖然係送嘅，但份量都唔少，蒜蓉炒好香口。樽仔奶茶~晚餐唔怕飲茶嘅，都可以試下，茶味夠，奶夠香，香港經典飲品，正！檸水~食咁多，幫手消化，解解肉氣。