武士拉麵 (已結業)

今日同朋友黎到呢間位於柯士甸路既拉麵店食個下午茶,同日本所見既拉面店一樣,只有一邊坐位,而客人面對住拉麵師傅, 入面裝修幾的飾, 充滿住日本陳設而食店亦都有免費提供玄米綠茶,味道清新,玄米比重高, 對於食味道偏濃既拉麵黎講係一個幾好既配塔我地從MENU 上面點左織田將軍拉麵(鹽味豬骨湯底)同德川將軍拉麵(醬油豬骨湯底)亦點左溏心蛋, 日本叉燒同中麵拉麵黎到, 其實兩隻湯底既顏色幾乎一樣,但食落去好大分別, 鹽味算清淡充滿豬骨味, 而醬油,當然醬油偏濃, 我個人喜歡比較重口味既後者. 另外,叉燒係米肥瘦油脂分佈均等,不錯, 糖心蛋,做得好出色, 蛋皇真係剛好半生熟, 浸落入面美味, 年輕師傅SUGGEST 我地食拉麵時除左可以落炸菜同炸蒜外,仲可以落日本特有運來既拉麵胡椒落個湯底調味,可能係為左配合拉麵既關係, 佢既胡椒味特別重味,但不辣, 所以我同我朋友都落左好多, 而且食落亦都不太有口乾既感覺, 不錯!希望下次有機會再食下其它味既拉麵.!