一鳴拉麵

营业中

休息中

好多都話大埔好多好野食，所以黎買開野就睇下有咩特色野想食，哩個時候緊係靠openrice..搵丫搵。見到我身處地方附近有間日本料理就決定哩間去食晚飯啦，因為都行到好肚餓！當日6點鐘仲好早所以唔洗等位就入得啦！去到門口見到就覺得好似日本既居酒屋坐底後，店員介紹店內當日的特選菜單！都好多選擇喔！我極欣賞店內的裝潢，同朋友唱飲一番最合適唔好講笑！都市人收工都想減減壓、緊係要飲番一兩杯慰勞下自己一天的辛勞工作啦！紅酒煮花螺！個醬汁好惹味螺又大隻新鮮爽口！炸雞軟骨，份量都幾多又大粒，調味得好夠味，唔會炸到淋哂，放左一陣先食都仲好脆好味！咖哩豬頸肉飯個咖哩汁好好味丫，又唔會太spicy..而豬頸肉就好大塊好足料，肉質夠爽口！粟米球，我大愛，成舊都係粟米黎架，再散上芝士粉真係絕配既組合原來，我一個人食左3粒好好味！秋刀魚煎得岩岩好又唔會太過濃！好惹味丫！條魚都好新鮮！真係配酒一流每人都唔洗二百蚊就可以咁滿足