Izumi Curry (已結業)

又隔左成半個月先有時間寫食評。今次同女朋友去左食呢間咖哩店。入去到唔洗等位，可能係因為係食lunch既關係就唔洗等掛。入去坐低，個環境真係幾日式既感覺。之後就叫左兩個lunch set。一個係漢堡扒咖哩飯，另一個就係吉列雞扒咖哩飯。仲包埋飲品同沙律。首先講下個漢堡扒咖哩飯先，漢堡扒做得好夠味，味道濃郁，夠肉汁夠淋，咬落去既口感好厚實。而咖哩又唔會太辣，適中既辣度，再配埋軟硬適中既飯，成個感覺好夾。而個吉列雞扒就炸得岩岩好，炸出黎既皮唔會好厚，因為係即刻炸，咬落去既口感好脆，有肉汁，唔會因為炸過而太乾。沙律就同平時既日式沙律差唔多，冇乜太大特別。而橙汁就同平時既餐飲差唔多，就係好飲。下次想再食咖哩就係黎呢度試下其他既野食。