影片
更多
2016-12-28
717 浏览
之前喺旅游展得到赠券一张，趁热潮减退同赠券过期之前嚟用咗佢。为食猪得到嘅系立食区嘅寿司6件set ，睇返menu咁样6件一set 大约值100蚊，如果质素唔错嘅话都食得过。立食区环境好开扬，但系冇位坐始终都唔太习惯，而且都几累。其实立食原意主要系想turnover rate高啲，但即使呢日系周末晚饭时间，现场所见都系得3成客满，不如加返啲座位俾客人舒舒服服坐低食啦。6件寿司set，由于menu上冇呢一set，亦都冇人向为食猪介绍过，除咗可以肯定有三文鱼，吞拿鱼，同油甘鱼外，其他嘅都唔太肯定。不过每一件都好新鲜，即使系白色嘅鱼都完全唔腥唔会霉，只有鲜甜味，亦有嫰滑/爽脆口感之分。三文鱼同吞拿鱼油脂丰富，好肥美，其中三文鱼味道最突出。寿司size中等，啱啱好一啖一件，鱼身唔厚但亦唔会太薄。寿司饭相信系用日本米，每粒都弹牙饱满有黏性，醋嘅比例亦恰到好处。值得一提系同日本嘅寿司一样，师傅已经将适量wasabi落喺饭面，可以直接品尝寿司嘅鲜味，唔需要再落酱油调味。不过如果想走wasabi就要记住落单时讲定喇!如果想落酱油亦可以用扫轻轻扫上。总括嚟讲有日本当地食到嘅寿司水准，价钱亦可以接受，为食猪
之前喺旅游展得到赠券一张，趁热潮减退同赠券过期之前嚟用咗佢。
为食猪得到嘅系立食区嘅寿司6件set ，睇返menu咁样6件一set 大约值100蚊，如果质素唔错嘅话都食得过。
立食区环境好开扬，但系冇位坐始终都唔太习惯，而且都几累。其实立食原意主要系想turnover rate高啲，但即使呢日系周末晚饭时间，现场所见都系得3成客满，不如加返啲座位俾客人舒舒服服坐低食啦。
6件寿司set，由于menu上冇呢一set，亦都冇人向为食猪介绍过，除咗可以肯定有三文鱼，吞拿鱼，同油甘鱼外，其他嘅都唔太肯定。不过每一件都好新鲜，即使系白色嘅鱼都完全唔腥唔会霉，只有鲜甜味，亦有嫰滑/爽脆口感之分。三文鱼同吞拿鱼油脂丰富，好肥美，其中三文鱼味道最突出。寿司size中等，啱啱好一啖一件，鱼身唔厚但亦唔会太薄。寿司饭相信系用日本米，每粒都弹牙饱满有黏性，醋嘅比例亦恰到好处。值得一提系同日本嘅寿司一样，师傅已经将适量wasabi落喺饭面，可以直接品尝寿司嘅鲜味，唔需要再落酱油调味。不过如果想走wasabi就要记住落单时讲定喇!
如果想落酱油亦可以用扫轻轻扫上。总括嚟讲有日本当地食到嘅寿司水准，价钱亦可以接受，为食猪会再嚟。
楼上嘅夜景好靓，仲要有位坐，外卖上去食都唔错。
张贴
