Med Chef (已結業)

黎尖沙咀又係捐窿捐罅搵嘢食嘅時候，今次就嚟到厚福街呢間樓上Cafe，呢度好有情調，燈光好有feel！呢間餐廳最有特色嘅就喺，呢度主張煮嘢食嘅時候落大麻二酚CBD！唔好聽到大麻呢兩個字就覺得好驚，以為係take野！呢度只係會落適當嘅份量，而原來嘅好處仲有好多安眠，放鬆壓力同埋舒緩痛楚，真係長知識！而我哋就叫咗個二人套餐，吞拿魚黑欖沙律，都幾開胃！法色龍蝦湯，都幾好飲！芒果虎蝦墨西哥薄餅，都幾有新鮮感！好少何食呢款口味！墨汁帶子意大利飯，呢款需時製作三個字，要比啲耐性等一等，味道都幾好，飯嘅口感比較硬身！威靈頓三文魚都係第一次食，感覺幾新鮮，同埋健康啲，而唔係淨係食牛，轉一轉口味都幾正！！！！！！