京都勝牛 (Tower 535) (已結業)

因為呢間店剛剛開已經好多人排隊，所以急不及待去支持下除了吉列和牛外還有很吸引的甜品🍮跟朋友分別點了一個套餐，套餐跟了一個麵豉湯及一碗飯，而飯、沙律同麵豉湯可以無限添加非常好，我足足飲咗三碗麵豉湯啊！因為太好味😋而吉列黃牛都煮到好適中大概五成熟左右啦，如果唔食得生嘅朋友呢佢可以另外有多一熱石版去煎，有細心位而且有三款醬汁，包括咖喱醬燒汁同芥辣汁，而我覺得最好味的是咖喱汁，仲可以撈埋落啲飯到一齊食，但醬汁係冇得加，如果加係要俾錢，如果咖喱汁都有得加就好啦另外我嘅套餐仲多咗一隻大蝦，如果喜歡吃的話可以另外加錢再加嘅，因為隻蝦嘅味道真係唔錯啊，絕對值得encore。但令我最驚喜的是甜品，除了賣相好吸引之外味道亦都係一流！佢有幾款甜品嘅，而我就揀咗呢個福餅，切開之後裏係有雪糕同埋個皮好煙銀，夾埋嘅味道超match，淨係個甜品都令到我好想再食多幾次