我武者羅 (已結業)

沙田又開左間日本過江龍拉麵店! 門面大大個省鏡招牌, 離遠望入去已經見到半開放式廚房入面既師傅埋頭苦幹中, 行到埋去門口店員已經好醒目接待。依間拉麵店既座位闊落, 燈光明亮, 空間感幾好。餐具已一早擺好位, 金邊水杯, 木製餐盤, 連張餐巾既質感都與別不同, 感覺更GRAND。濃厚咖哩味增沾麵麵條上有蕃茄蓉, 拌勻之後再沾上沾汁。沾汁味道真係好濃厚, 比平時偏甜既日式咖哩多左一份香氣, 而麵本身拌左蕃茄蓉, 帶少少酸味, 令到整個味道好豐富,  好特別。沾汁既質感都係偏濃稠, 同時麵條既掛湯力都好好, 所以輕輕一沾, 汁就均勻沾滿麵條腩肉肥瘦相間有種膠質感非常好食! 食哂成個麵之後,  店員會加入茉莉花茶落剩番既沾汁度,  冇錯我地本身聽到依個配搭都有D出奇, 不過一試無妨。生薑醬油拉麵經典野, 清甜既雞清湯加上濃厚醬油, 濃郁得黎唔會過咸, 依度既生薑蓉係每日新鮮即磨, 增添多一份香氣。兩塊好靚好粉嫩既豚cha燒, 仲有雞肉一樣好軟嫩! 麵條彈牙, 份量頗多, 未食小食已經食到我好飽! 另外加左隻糖心蛋, 橙黃既糖心狀態一流, 蛋香濃郁。旨辛酸燒餃子依款餃子醬汁酸酸辣辣, 餃子外皮帶