韓樂 (小西灣廣場)

营业中

休息中

假日一起身之後，就同朋友外出食下午茶，呢間韓樂我都有食過幾次，次次都係食佢嘅軟芝士午餐肉炒飯，佢個份量啱啱好夠食，而今次再食，發覺佢有改良，因為佢再加多一種水牛芝士係底，唔會剩係得一種芝士咁寡，層次更加豐富同好味。可惜嘅係，今次因為個飯壓唔實，未送上枱就已經散咗，呢樣係有少少扣分，而炒飯嘅材料同味道都同之前差唔多，有韓式午餐肉、粟米，白蘿蔔同紅蘿蔔。而另外一個下午茶餐係燒汁雞扒焗飯，本身有得揀扁意粉或者珍珠米，而珍珠米就會混合藜麥，顯然更健康。而燒汁就比較鹹一定要撈埋飯先食到，仲會有舊新鮮嘅薯仔同翠玉瓜做配菜。而雞扒嘅大小以下午茶來講都算多，食完都夠飽，皮脆肉嫩加埋芝士係上面焗，美味可口。下午茶餐仲有餐飲配， 十分抵食