平民扒房@友蠔食 (已搬遷) 新店位置

近排自己都冇咩心情出去食飯，特別係旺角個邊。我之前都冇試過食熱石牛，hit 左一排到而家先真正試第一次。呢間係我同事成日同呀媽食，不斷翻兜。 佢分左四種肉，平時少見啲既美國牛板腱都有。佢個set 包哂前菜、湯同飯，仲要係可以任添呀，食到飽先走都得。湯係蕃茄薯仔湯，好有住家西湯咁，入面都好多薯仔，舊舊都夠腍同粉。個扒好快就出到，佢係輕輕煎到佢一成熟，再係塊熱石到慢慢煎到你想要既熟度，佢上面仲有蒜蓉，配埋甜醬油一齊食，加分唔少。Top blade 有肉味，唔太死韌。菠蘿特飲好refreshing ，食得太多肉個時最岩飲，爽yy 的。蠔都應該係呢到既主打，下次一定要試下🧐