貓喵堡 (已搬遷) 新店位置

呢間餐廳好有愛，有幫手領養暫托，同其他係毛孩身上搾取金錢既動物餐廳不同，佢地本身都好鍚動物。感覺店鋪好有家感覺，仲有係食物好好食，直覺係店主拿手菜，同其他樓上cafe 不同。今日試左慢煮番茄牛柳意粉，鮮番茄味道新鮮又岩小朋友食，值得推介，我輕易將嫩滑牛柳剪細給囡囡吃，無錯係剪細，不用剪碎，真心慢煮，囡囡只有22個月大都可以食得津津有味。自己要左杯熱紫薯牛奶好滑唔太甜。仲叫左個紅豆鯛魚燒小食打算留給小朋友做下午茶，但忍不住口一併消滅。這裏的食物健康有益過很多兒童餐。因為唔係食評打手，帶住小朋友淨係掛住影貓貓和囡囡合照，食物菜單欠奉。店中毛孩好和善，希望小店繼續努力。謝謝今天招待。