秋田浜燒食堂 (已搬遷) 新店位置

星期四又進行好友飯局了，今次聚會地點係由一位為食同事向我推介的，係尖沙咀這一間專門食日式燒海鮮的餐廳，一星期前已Book位，所以去到後，好快就安排入座，現場裝修得好地道日本Feel，環境幾大，坐位set得好唔擠迫坐得很舒適，侍應亦好快為我地斟茶同遞上餐牌，我們選了每位398元的Set餐(叫北海漁港)，等食期間，有一位侍應放低左一大盤赤蝦，只要like facebook page就可一手一次任取赤蝦(我地有四人所以可玩兩回)，最後成功取得15隻，可選燒或刺身，我地選左做刺身作頭盤，跟住食物來到有燻雞沙律(第一次食口感似煙三文魚)，辛辣腸，清酒煮蜆等，整體好食又開胃，然後到主菜出場海鮮有蠔，松葉蟹，鮑魚，帆立貝同甲羅燒，(海鮮全都新鮮飽滿，尤其係鮑魚仲係活的👍🏻👍🏻)，原來這裏係不用自己燒由現場職員代勞(低讚)火喉恰到好處，完全成倒海鮮的鮮味又唔會燒燶食材😋😋真係冇得輸，最後再來一客烏冬同明太子飯團作結尾非常滿足，而甜品就係哈密瓜，這裏的侍應服務好，食物好，交通又就腳絕對係朋友飯局的好地方。👍🏻👍🏻👍🏻👍🏻