影片
更多
2018-10-27
429 浏览
好耐之前食過呢間茶室，質素好一般，之後冇再黎食過。但前日行過搵緊晚餐食咩好，見佢入面都多食客，餐牌都唔同左，決定入去再試多次，果然完全唔同晒!餐牌上都多set dinner揀，價錢平埋60幾70蚊，同fd一人點左個餐，跟熱飲。點左份老闆娘(?!)極力推介嘅黑椒炆咸豬手，配薯菜。果然好食! 豬手炆得夠淋，仲已經起晒骨，食落啖啖肉唔使切得咁辛苦。 雖然食食下有啲咸，但隔離配左啲沙律菜同紫薯，剛剛好中和左豬手嘅咸同膩。好欣賞個沙律菜同紫薯!😍👍👍 另外薯條都新鮮炸好，熱辣辣! 另外有得揀跟配飯/意粉 不過驚飽所以叫薯菜剛剛好。另外點左份西冷扒焗蕃茄意粉。 上菜個陣嚇左嚇，因為原來係分開上的😅 西冷扒同啲沙律菜一碟，焗意粉係另外一碟， 唔知以為我叫左兩個餐😅 西冷正正常常，幾大塊，切落中間有少少粉紅，唔會鞋口或韌。個焗意粉都算多，食到臨尾略嫌汁有啲杰身。另外員工都好nice, 老闆娘會不時問下食客對食物嘅意見👍
但前日行過搵緊晚餐食咩好，見佢入面都多食客，餐牌都唔同左，決定入去再試多次，果然完全唔同晒!
餐牌上都多set dinner揀，價錢平埋60幾70蚊，同fd一人點左個餐，跟熱飲。
點左份老闆娘(?!)極力推介嘅黑椒炆咸豬手，配薯菜。果然好食! 豬手炆得夠淋，仲已經起晒骨，食落啖啖肉唔使切得咁辛苦。 雖然食食下有啲咸，但隔離配左啲沙律菜同紫薯，剛剛好中和左豬手嘅咸同膩。好欣賞個沙律菜同紫薯!😍👍👍 另外薯條都新鮮炸好，熱辣辣! 另外有得揀跟配飯/意粉 不過驚飽所以叫薯菜剛剛好。
17 浏览
0 赞好
0 留言
另外點左份西冷扒焗蕃茄意粉。 上菜個陣嚇左嚇，因為原來係分開上的😅 西冷扒同啲沙律菜一碟，焗意粉係另外一碟， 唔知以為我叫左兩個餐😅 西冷正正常常，幾大塊，切落中間有少少粉紅，唔會鞋口或韌。個焗意粉都算多，食到臨尾略嫌汁有啲杰身。
19 浏览
0 赞好
0 留言
另外員工都好nice, 老闆娘會不時問下食客對食物嘅意見👍
张贴
