新京熹老北京涮肉火鍋

营业中

休息中

今次我哋揀咗一個麻辣湯底＋一個傳統塞北口蘑湯底，一辣一唔辣。附上香辣醬，昆布豉油汁，內蒙沙蔥椒麻汁，芝麻醬。每一款都咁有特色，大推芝麻醬，超濃！錫盟草飼180日羔羊肉（大300g）
成碟超級長嘅羊肉，直情橫跨晒我哋兩個人張枱！放落湯輕輕灼15秒就得，羊羶味唔重，肉質超腍，好易入口，真心好食。鮮切寧夏滋羊梅花肉（150g）
呢款就比較實淨啲，脂肪分佈靚，鍾意有少少咬口嘅人可以選擇呢款。經典大片脆毛肚（150g）
煮8至10秒就啱啱好，食落又脆又爽，好有口感，完全唔韌！原產地蔬菜鮮菌拼盤（大份）
超豐富！有紅莧菜、菠菜、茼蒿、西洋菜、娃娃菜、金針菇、黑白木耳、豆腐、粉絲、響鈴⋯⋯ 多到你一定會搵到幾樣啱自己食嘅菜，健康又吸湯，好滿足。老北京糖油餅
一上枱我哋已經忍唔住食咗兩件～外脆內煙韌，微微甜香，熱辣辣食超正，有驚喜，必點！