Woke (裝修中)

今日同男朋友慶祝紀念日，專登搵嗰間喺中環嘅西餐廳食飯，佢哋係食fusion菜，上網睇非常多人推介，而且講得好餐廳裝修靚，而且環境都坐得舒服！佢哋有幾個唔同嘅選擇，$888就可以有6個course！今次佢有個甲羅燒，非常之靚好適合打卡用！佢原本就包埋蟹肉蟹膏，三文魚子漬和蛋，非常豐富！另一樣必定要推介嘅就係龍蝦肉意粉🍝放係隔離隻龍蝦真係貨真價實好大舊，而且龍蝦肉非常之入味！另外仲有個小食係有曬鵝肝同埋鴨肝，兩者都非常之肥美，食到舔舔脷！整體來講呢間餐廳嘅食物都非常新奇有趣，而且好好食環境氣氛亦都一百分，非常推介紀念日或者特別嘅日子過嚟食飯❤️