Papa Joe (已結業)

尖沙咀諾士佛臺一到假期的夜晚就十分熱鬧，呢到的酒吧同餐廳都人頭湧湧。今晚就約咗個朋友來到一間好有情調的墨西哥菜餐廳，位於諾士佛臺一號樓上，方便易搵。餐廳入面有室內同室外的位置，寬敞舒適，室外可以抽水煙，仲有兩位著得好有外國風情的歌手彈吉他唱Live.我地見到5 Course Set Dinner Menu 十分抵食，就點了兩個套餐。每個套餐仲包咗兩隻生蠔，一杯汽泡白酒等，生蠔用冰盛上，係來自USA 的Pacific Rock, 肉身較清爽滑身，入口鮮甜，有淡淡的海水味。餐湯係黑松露蘑菇湯，即煮夠熱辣辣，入口濃厚稠密，有粒粒的蘑菇粒，有咬口，黑松露味濃郁。汽泡白酒，冰凍可口，易入口，酒味香醇，同生蠔味道好夾。墨西哥捲餅，牛肉，$248/套餐，表面鋪满用墨西哥辣椒制成的辣椒醬，味道不算很辣，惹味濃郁，餅皮煙韌香甜，入面的餡十分飽满，有牛肉，香菇，黃豆等，入味而軟稔。澳大利亞冰鮮牛肋眼，$288/套餐，五成熟，用網燒，香氣撲鼻，肉質軟稔，牛肉味濃郁，入口煙韌有咬口。甜品係芝士檸檬蛋糕，檸檬味好重，香甜奶滑。