K2 Kitchen (已結業)

放左工同女友去食晚餐，又想有d 情調，係觀塘最好就係去工廈，好多地方都會有意想不到既好餐廳。呢間餐廳幾有情調，係暗暗地既環境下，每張枱都會有一台細燭燈。女友比較細食，所以只係叫左一個dinner set頭盤係香芒鮮果蝦沙律。表面加左一陣泡泡好有趣，除左兩隻爽口蝦之外，仲有好多鮮果，非常健康。成個沙律都有一陣芒果香，幾特别。之後餐湯係蟹肉粟米茸湯。中間有一陣cream,令成個湯都好creamy。蟹肉味冇想像中咁重，粟米同蟹味得到好微妙既平衡，感覺幾清新。主菜係特級M6 和牛。食西餐食牛扒就食得多，食和牛就真係第一次。我地揀左五成熟，外面微微煎過有d 脆口，入面就仲有d 紅，肉汁仍然保留住。和牛既肉質好鬆軟，唔會好似一般牛扒咁韌，呢種鬆軟既口感真係好深刻。之後甜品我地叫左心太軟，可能放左一陣先食，打開心太軟時冇流出軟心朱古力，有d 失落。味道黎講朱古力都幾濃郁，配番雪糕同少許cream 效果都唔錯。最後飲左杯蘋果梳打，甜甜地幾好飲。