大圓滿素食 (已結業)

朝早喺佐敦呢一邊睇完醫生，搵啲嘢清清地食下就見到一間餐廳。 上到去覺得有啲奇怪明明係素食點解好似部份地方快餐店。原來依度有部份位置係做快餐嘅，最後我選擇咗叫餸食飯。樣嘢好值得講下嘅就係佢哋嘅餸菜非常精美令到我自己都唔覺得係食緊素食。黑松露牛油果炒飯，食落好香，原來牛油果陪黑松露個味道都配合得好好，令人食落好開胃。炒飯炒得好夠乾身。黃金蝦我真係俾佢呃左，個餸放落枱嘅時候我真係以為自己叫咗真正嘅黃金蝦， 個黃金蝦外面炸得好夠脆而且蛋黃好多，內裏嘅蝦其實係蒟蒻。味道都很不錯，唔會好膩。