添好運點心專門店 (已搬遷) 新店位置

本人住在旺角，一向鍾意試新嘢，見這間很多雜誌宣傳，今日約1:00便去試下。到達時門口已很多人，個個都攞住張點心紙。我見人又好多，位又唔多，咪諗住買外賣算啦，點知一問個收銀姐姐，姐姐粗聲氣地同我講話"我地唔做外賣呀"我真的冇聽過旺角街坊鋪會唔做外賣，我以為阿姐誤會，咪再問一次，我自己攞走喎，唔駛送，點知阿姐仍然都係果種語氣，"都話唔做囉"我真係好想知一間旺角鋪，唔做外賣，位又唔係多，可以點生存。旺完這一陣新開張的熱潮，然後可以點？真的可以不用靠附近居民幫襯而生存嗎？我拭目以待。