皇室花園 (已結業)

突然要係人生路不熟的北角搵野食，原來北角好多素食店，但我朋友不吃素，咁啱見有人派單張的新開cafe，諗住靜靜地食餐飯都好。經過詭異的自由行特買場，無人指真係搵唔到門口。餐廳裝潢簡單舒服，新開張無咩人好寧靜。第一次黎當然試下佢個 Chef’s recommendation 啦，「腐乳杞子茄蓉扁意粉」，融合到喎！唔會聞到腐乳的臭味，蜆新鮮無沙。里種有點似blue cheese 嘅概念，用左腐乳，唔會「漏」（膩口），啱香港人口味。 另外叫左個墨魚仔墨魚汁意粉，好鮮甜，份糧比較細，但因為「堅」墨魚汁所以細細碟食完都飽左。我好鍾意食墨魚汁意粉，真係無邊幾間做得好食，份量同調味都感覺到廚師細心顧及食客，同時亦堅持自己的要求。叫左個小食「意大利炸芝士球」，其實里種mozzarella 波波無咩特別，但係我好喜歡佢個醬！類似 honey mustard 嘅 source, 但里度用左 wasabi 唔係 mustard, 食到停唔到！有機會再路過北角會再黎，有心的小店在香港真係唔容易！